Hope*عشم

ولي ذلك الزمان ..بحشمته وفطرته النقية ولبنه الحليب الصافي ...

لقد ولدت تلك التي لا تغش اللبن بالماء أم عمر الفاروق ،وولدت دهباياتنا منقو وعبد الفضيل والمهدي وعيدروس  والعباسي ومهيرة الفرسان وكاد غدا أإن ياتي اجمل ولكن ...

رحلت دهباية ورحل الاخضرار ،وبيع اللبن جهارا نهار فرحلت البركة ، وباع عوج الدرب الماء قرب المستشفي !! ، سالت عنها كثيرا فعلمت انها وبئست الاخبار ان زمانها ولي وهي في الخرطوم بلا مراح ولا حلة الملاح ، شبح مليء بالاصباغ  يمضي  بلا هوية ولا ملامح ..والان يقتسمون ميراثها فالغنماية الدارة  لشسطان الداخل  والتبلديه لشيطان الخارج والمنقا شالوها في القسمة الضيزي وحمارها الوديع افترسته سباع الغابة وهو مايزال ينهق ...في الثصدي ...والنخلة استكثروا عليها بعد القطع ان تحرق لاكرام الضيف فالبتوجاز موجود اما دهباية ، فاخوها الاكبر تخرج من الجامعة وبعد ان قضي مدة في الخدمة العسكرية الالزامية اصبخ حرا وهو مؤتمن علي  (حقة صعوط) يبيع ويشري فلا ينفع ولا يستنفع بل ضرر وضرار ، والشمس حين تشرق تامل الدهباية ان تلتقي يوما ما برجل يجيد الرضاع والتوريق ، ويقدر ظروف العمل الوظيفي والمسؤليات الجسام ..

ملحوظة : رجلها القديم خرج يبحث عن دهباية حقيقية بعد ان كشف سر الدهباية المزيفة

دهباية نامت نوم ست الفريق والروق

الكان بقوقي حمام بجنب شجرتو الفوق

حليل زمانك داك حليل زمانك داك حليل سليم الذوق ..

فانوسك البضي سهر مدن بالشوق ..والليل وين ياخي ...رحلت بعيد وتسوق

تغزل حبال من هم تفتل حلم مسدروق

***

وغنمها شالا الغول ..حمورا والزروق

لابس هدوم سمحات مارق وكلو عروق

وصوتو كان تريان ...سمعوه ناس بفوق

اتلبد الجنيات ...ظنوه صوت كشات ..

ورحلت النجمات ...

واتهمل الواسوق ..

والتمرة دون خلق الله ...

جزوها ...ما لمروق .. باعوها ..بيعة خايب

لو يسقفوبا  بيوت او يوصلوبا قرايب

 او تكرم الاغراب فركت ملاح سبروق

او قدمت للرايب او ضللت لحبايب ..لو ربطو فيها النوق  

او رحلوها حدود بر الوطن كحلايب  ولو  فرقوها فروق

تعزم تقوم  بالواجب للضيف  تكون واقود

قالنخلة صارت راهب ...بنار اساك محروق

واسود سوادا يلاقي دخانا ما ملحوق

صيحت رعود وبروق ..ياناس حليل الوادي

مفهومو والمنطوق

دهباية  الزمن  سارقنا قيدنا هو المطلوق

وود الرجال في السوق باع موية لعطشان ..

كسر تلج ..كيمان ..مسح الجزم الوان ..غسل بلاط لي ناس

وهو ذاتو كان وسخان ...ومرات علي الكاونتر بجنية بفك مزنوق

عوج الدرب ياحليلو ... قارب مفارق نيلو

..شال نفسو باقي تقيل ..تقل النفس خليهو

بقي عوجة هو في  ذات نفسو ..خمس نفس بالدين

 زولنا الزمان بوالف

..بقي ذول مخدر تالف ..

..دخري القبيل ممحوق ...

دا الكان برد الروح لمن يلاقي جميل

وردا مفرهد نابت جم قيفة في وش نيل

ونغيمو داك الحالي ، تمرا من القنديل

ترك الطموح ..لا قاري ..لا داري بالتنزيل

ولاهو البأمل حاري ..حيران ومافي دليل

انشاء الله بكره تروق ..

يرحل كمان عن صدرو ..همو البهد الحيل

انشاء الله يرجع ظافر من (قبقبا ) ..لجيل

موعودبألف بشارة ..يالحظك ما ملحوق

ودهباية كانت سمحة لو كان تصحصح وتصحا

ناناتو **مامانو

الزول دا جاي من وين ..الزول وحاتو

جاي من خورا الجبين ...البكسر الركبين

الفيهو هنباتي ..

شايل شقا الدنيا وكاتم كاتم لاهاتو

**

ناناتو **مامانو

من وين يجينا الشاب ..

الشاب دا يا احباب ،من خور يسمي كلاب

مليان سيوف وحراب ..صدفني ماكضاب

وعيونو ذي مرتاب ..وسمعنا اناتو

**

شايل جبال من هم ..شوتالو مليان دم .

انا دايرو يعرف كم .. .طارنويوماتي

ناسا بعرفو الناس ..دايرنو في ذاتو

ناناتو ...ناناتو

**

ريدا شديد يالحيل

ينهض يشد الحيل

ويهد جبال الليل

ويقابل الدنيا ..ويديها بسماتو

يقابل الدنيا

ببسمتو وعزماتو

***

ماعارف ما شايف

ناناتو ..

ايه الكلام القلتو ..

وريني غايتو

....

انا زين وشينن شين

في الصفو ماء النيل

في الحرب سيفي سنين

وعيوني واقدة جمر..  

وجبالي لي وطن .. في الحارة اتراطن

ناناتو ناناتو ..

ايه الكلام القلتو ..

وريني غايتو

...

القطر قمراتو ...

استنا في محطاتو

ونحن لينا سنين ..ما اتحركن عجلاتو

ناناتو ..ناناتو

***

الليل هل حيطول ..أم تنتهي الظلماتو ..

بضوي ..فمر ورتين ..

فانوس رضي وقنديل

أو شمعة من شمعاتو

***

الأهل هل تامين

عيال باركوين .. اللجمال شادين

او في الحلنقة هناك ..ناس دين واشبادين

سايقين وما واصلين ..ربك يعين ويعين

ادانا منو يقين ..قايمين علي جلاتو

ناناتو ...ناناتو

***

البقرة والخرفان ..

الناشي والركبان

خريف وقاش مليان

مليان مليان ...

وسفينة بورسودان

ودينا بيتنا امان ..نلحق رجالنا الفاتو

***

**

اسمع كلام البكاك

ماتتلفت لوراك

امشي المدينة هناك

عافر ودافر زين

الدنيا مابترجاك..

 ما تبقي لي ساكن

خليك زي الموج

يصرب شواطي سواكن

زي المروج الحلوة في التاكا ..

فيها الشادن بيغني ..قال اتقدم

شيل الامل واتقدم

وبالعلم اتلزم

وبالعمل ياخينا ...

وبالمحبة اتفهم

صدقنا ما راح تندم..

الدنيا تصبح غير ..

والخير بجيك الخير

 من بكرة ارمي البذره ..وانتا لينا نواتو

وانت الخيربلذاتو

نا ناتو **ناناتو

**

كولاي عند كوداي ...

والجبنة وافنجان ..

سكناب ..مع الأرباب

هبر فيف ...مع الجايي

والخير مع الواردين ..

واصلو ماهينين ..

 خلال مع السفروق

خلوه اهلو وفاتو

***

الخور زمانو خلاص

ياراقي في الاحساس

وجمال صبح ينساب ..في ملمحو وقسماتو

***

هنا كان في خور ياشباب

صدقني ماكذاب ...

[if !mso]>

من شرفاتك

من شرفاتك عين للموجه وشاطئي جميل
مركبنا السايره وقمر الليل
***
امن امن في غرفاتك
إيه الفاتك
في الإحسان والحسن مبين
إغفاءة طرفك
نادرة ظرفك
رياشك حفك وهداه ولين
يا لاستثنائي ألما عارفين نحن وحاتك شايف مين
حولك في سلام سرب الأحباب حولك نايمين
***
من شرفاتك عين للموجه وشاطئي جميل
الضوء في الشارع ظلال بتمييل
صوت البائع عزف الريح في غصنا فارع
ليك بتصفر يشابي نخيل
ونجمك طالع بين غصنين
دكان فاتح للبقاله 00حس جواله
وناس بتفرفش مبسوطين
النغمة الحالمة في عرس الزين
فرح يوماتي بخيت وعديل
بسيط وأصيل
من شرفاتك شوفنا أتمني نشوفك نحن نملي العين
في بهو الفكرة نجول وتبين مركبنا السايره وقمر الليل
مركبنا السايره ونغمة ذاتك
وفي نماتك
صوت الحلة عصافير جنه وشوق أماتك
ذخ ألمطره وشرخ النيل
القبة الضاويه وطابية عصيه وصوت أزميل
الفرح الجاي زغرودة ونية ولغط الجيل

__________________

نحن سبيلك يالعطشان **ونحن النيل وقلب رويان
للغاشي بيفتح زي ديوان **مشرع وفرحان
وبسمة تبرد جوف حبان **ونحن أمانا ما ناحنان
وفطاموا ولدنا نسيم ضيفان **والخير يلقاك كيمان كيمان

الزمن الجديد
للزمن الجديد غنيت
وللفرح السعيد شاشيت
أغمض عين وافتح عين
ألقاكم بنات البيت
اقبل زهرتين حلوات
وارقب لزمن مبسوط
إرهاصاتو هسع جات
وللآمال فتحت بيوت
وللامات سترت غنيت
بالحب العليهو ربيت
وجاني الخير وفرهد اخضر الموسم
وبحلم بوطن يبسم
يسعنا جميع وما أتقسم
وطن فيه الجمال يرسم
دعاشوا وخيرو نتنسم
وعافيه علي ترابو مشيت
وطن فيه العقل طشه
يحار تتملكه الدهشة
يصابح للبلاد هشة
محبتو تروي للعطشى
ويغمر حنو من رشه
و ياخد الكل في أحضا نو
وببقالكم جميعا بيت
يفرج للحزين حالوا
ينسي الجاي عنوا نو
ودايما للغريب آويت
وطنا ألبيك بنفاخر
رحلت وجيت في الآخر
من اغرب رحله مجنونه
لحنك والزمن ساخر
في غربه تغربل الإنسان
تقلبو في جمر ساخن
وليك رجع كسير خاطر
أقالد ودك الذاخر
راجع والزمن ناخر
في قلبي الصغير أحزان
واتملي البراح ألفيك
أنوم في الحوش وإتكرفس
أتنفس
جديد عمري
يتعوض بخير صبري
واحكي وأجيب من الآخر
أقالد نجمه في عيونها
اقلب طرفي في كونها
وكيف سافرت من دونها
كيف أمسيت
فما أشرق علي صباح
اقلب طرفي في بكره
أقول يمكن يشع نورها
تنسي ألقمره أحزانها
وتلعب شمسي في عيونها
وارمي الصفراء بسنوني
وتديني البياض لونها
وبعيد يشرق عليها صباح
هناك في رحله محزونة
أسره غنية بالآمال
تقبل عزها الأطفال
بطعم الفال
تلعق أمانيها وتعلق
علي حنان وصباح
من الآمال أعاليها
وتشيل وتعيد
تنده قباب00ياهل الرحاب
شوفوا الرغاب
الهينة
كيف صارت صعيبه
نشقي ونعافر في دريبه
وتجري عننا في اعتراض
ونهج نسافر
نتبع الأحلام عراض
نركب الموج والسفن
من كل دفه
والمدن في كل ضفة
تتغابي فيك ألعرفه
تسقط ألأحلام من كل شرفه
وترجع كسير خالي الوفاض

نبته وصباح


نبته في خاطر البنية صدي الشمس
أحلام بتنبع من أمس
وخيول بتظهر وتنغمس
في النيل وتصهل في الخيال
أوهامنا تكبر والظنون
ضاق بيها في الأنفس مجال
في ليل دمس
وش الخروف ساس الملك
راس الأسد حكم الإله
ثعبان يظلل تاج ملك
احني الجباه
حكر علي الككر القديم
بسط النعيم تحت النعال
ساق الجنوب نحو الشمال
**
ظل عرشو دام
مدد علي القطرين جلس
بامروا يبجهرماهمس
تمساح قدل في النيل وعام
في كل عام نضحوا السهام
ذي يوم أمس
يرموا الحدق وابل نبال
وسقي العرق ارض السجال
نبت الوئام
سووا العرس
بنت الشمس
حلمك نطق صدق القال
بلد الخيال

**
أحلامنا تصدق يا بلال
صوتك سلام
وسيوف بتبرق في الظلام
واللعنة تمرق والشرق
انو ارو بتشع في المسام
سبر انطمس
والغيب غمام
الملكة تحرس في الدهب
والسر عجب
سلطان ومال انشأ الله ليك حسن المال
يا دار أبونا ونبته شان
في بكره تكبر وتزدهر عين الأمين لازم تساهر تنفتح
والقمحه في اليوم السمح تصبح رجال
والنسمة لوهبت شمال
البذرة في الصبح الجميل
بنت الحلال

ملتقي النيلين
لما النيلين أتلاقوا لما العصفورين راقوا
شفنا ألليله زهاء الإصباح
**
القمري القوقا
تور الخير يسوقا
ساقيه تدور
وقولب وش النيل
بدور
وبسمت بالليل بروقا
علي سن الفيل
والسنن لاح
***
القمرة بتلهم لي ابدردوقا
وعرجون النخلة الطال سموقا
وشبت للشبال عروقا
بتلحق سوقا
وتشرب عسل النيل
افراح
***
القيفه العرضت
شوق لي نخله
عنطيط السخله
ودار الريد الماها بتخله
يطمن شوقها
يعود بسماح

انشاء الله تضوقا
الفرحه تعود في الشلال
الفي السبلوقه
وشليل الراح
**
سخا الابنوس
رقد هجليج
وتخا اللالوبه
ابتهجت في الراكوبه مروقا
علي الحبان مرقت حبوبه
والوهج الفي الشوتال بطال
اتبدل بسمه وفر جناح
**
ياخواني حليل الجمه
وحليلو ابوي ياعمه
بعد الاحذان نتلمه
ونكون ايدك يابلدنا
والغمه خلاص تنذاح
**
ماتخافوا علينا وما تخافوا
مابنعرف للحق انصافوا
ونحقق حتما انصافوا
وما بهذم للزهر سلاح

جديد ينتم

لو كان الشمل يتلم
في وسط الداره يترنم
فرح صوفي
وطبل يرزم
وغناك اصلو ما اتلعثم
صوت من فرحة ناداني
وشلا ل السعددفق
وبقدل جوه شرياني
حماني الهاجس العتم
قبيل برطم علي لساني
حوقل فلبي منشرو
وطرد الجاني واتبسم
حيكمل كل ما نامل
فرحه وجديد ينتم
وغناك في الاوض شباك
يهبهب ريدك واتنسم
**
وكت قبيل بشيل آمال
تخضر جوه واتعشم وفجاه الشرفة تتهدم
وأملي العاتي يتقزم
وكتر ما تعبت وأتألم
في جوفي الوريد طق
وأبي السكة وعلي حرم
كتر ما شال إنتكا ألشوال
أبي الأقوال كسرلو عضم
قلب حمال ما كانت عضمتك هشة
مالنت رغم أهوال ولم تهزم
صدق من قال
قصم ظهر البعير قشه
مسمار قي نعش دقوك وسال همَال
ملا المنديل وما انقشه
خبر مرسال
لكين لفؤاد حطم

الطيبة ألكلمه
نحن حلاوة ألكلمه الطيبة
ونحن نداوة شتله رطيبة
ونحن غلاوه النيل الجاري
تحيه حبيبه تقابل الساري
ابشري وغني علي الماسكنو
الخير منشري وباسم سنو
ألليله تعالي ألليله تعالي
وشوفي البرق أللينا يلالي
ينادي علينا علي الحابنو
البذر النامي وسيدو أظنو
في القبلية محسن ظنو
***
يقدل ماشي علي العاشقنو
الصفق الراقص وعود المنجل
وسيد طوريه براه يطنبر
يوري الناس والطير السمنبر
فرح الزارع بالمستقبل
يايوم بكرة اريتك تقبل
وعد السمبل مهما اتاخر
وافر جاي علينا يبشر
وفعلا غا لي وفعلاغالي
وعدالجنه الليهو مشمر
عرقا جاري

ربت علي[/size]
ربت علي علي يا بوي أنا وشيل التعب
أنا في زمان بالجد عصيب
أنا كم غريب يا أبوي في الزمن الصعب
قسمات صباحك في الجبين
فانوس يساسق في الدرب
شايفك هداية ودنيا تانيه
رحابه لي صدرا غضب
أنا من زمان شايف النعاج
مطلوقه ترتع في الزرع
شبعانة ما جيعانه إلا قليله ادب
شايف عذابات ألضني
ومحفورة في داخلي الماسي
وماني ناسي إلا ما قادر علي
وصوتك يقول لي إنكرب
وتهش لي وتبش لي
تخليني ارجع انتصب
لو قلت اهرب من هنا
اتبع خطاي لخطا القلب
امسح خطاي ارحل أهاجر اغترب
برضك أراجع انتحب
وارجع أحاول اقترب
رغم الكذب
ما الفكرة قبال تتمشي ما شافه شي
ورقك وسطر منتشي
وذولك مثابر ومحتسب
الحجر حجرك يا ولد
مهدت ليك أحسن مهاد
ترتاح حداي من سكتك
والوعد كان ليك يا جناي
الوعد كان وش السعد
نرسم معا صورة الوطن
حضن الأمان
والخوف بنمسحوا
ينشطب
جاي الأمل في وشك المليان عناد
لون السكون يمكن يكون أعظم جهاد
والصمت آه أنا كم بخاف
من صمتك المليان كلام
صوتك صبح جواك معاد
تاريخ تسطر وانكتب

لو تعود

لو تعود ترجع حترجع لينا أفراح من زمانك
فاردين جناح الشوق ونسأل عن مكانك
لسة نتمناك تفوق ..
والنفوس مليانه توق ..
والمساحات في انتظارك ..
نتاوق ليك ..
نعاين وانت لسه ..
إمتي يظهر لي خضارك
**
القلوب الرامية حوشه
والمشاعر مين يحوشا
راجية بنت النيل تراقب ..
يومي مدك وإنحسارك
**
ناجحة لو تنجح تجيب
وباكية لو تفشل تخيب
وبي وراك كتر النحيب
والنصيب الماقريب
وياحبيب
راجين قرارك
**
الشجر في الحلة عارف
وكل عصفورا الموالف
الفروع الرامية ضلت لينا مدت كل وارف
والزمن..دا الماهو واقف ..
وانت شايف ..
راح عمرنا ..
والله عارف
ونحن ما عارفين خبارك
**
ياولد بلد المحنة ربيت في جنة
وكنا منتظرين تفاجي بسمارك
نحن عشمانين ولسة
والعذول وصاني أنسا
وإنت ودر بيك زمانك

سيب شراع الريح يسافر ..
مرة بجناحو المغامر
سيبو وحدو ..
ما اظنو يتوه ..في بعدو
وخلي موج البحر يمشي
وي مجدافو العنيف
مابقيف ولا إظنو حيتوه
في مدو ..
إلا قلبي عليك تشتت ..
في كل ميناء ولي نزيف ..
أتنسم الأمل البجيبك
قطرة ..
من قبل الخريف ..
..واللهفة من ضمن الألم
لمن تمر سحابة صيف .
في ذكري او لحظة عشم
جاينا ضيف
ضاعت امالي ..وبقيت مرات
أقيف ..
لا عارفا لي وين أتجه
لا وين أروح ..
ولا ضفة تحتضن الغريب
تجمعنا مرة
ولافي قيف
يابهرجة غشيتي ليه ..
أنا منو من ضلعاتو دي
أنا قطعة من التوب وفي ..
ليه يختفي ..
وانا روحي في
ولا الأماني المابتجي ..
قولي لي الغايب ..
الكم نشتهي ..
إنت ضليت لي مسارك
حلم الجميع رجعة ومقام بين الرموش ..
طي المسام
ومضة من انوار منارك
سيب بحارك والسلام ..
كمل الكلام وكتبنا ليك
لوتعود
ترتد لي روح من جديد
لوتعود ترجع
حترجع لينا
أفراح من زمانك
لو تعود
لو تعود ترجع حترجع لينا أفراح من زمانك
فاردين جناح الشوق ونسأل عن مكانك
لسة نتمناك تفوق ..
والنفوس مليانه توق ..
والمساحات في انتظارك ..
نتاوق ليك ..
نعاين وانت لسه ..
إمتي يظهر لي خضارك
**
القلوب الرامية حوشه
والمشاعر مين يحوشا
راجية بنت النيل تراقب ..
يومي مدك وإنحسارك
**
ناجحة لو تنجح تجيب
وباكية لو تفشل تخيب
وبي وراك كتر النحيب
والنصيب الماقريب
وياحبيب
راجين قرارك
**
الشجر في الحلة عارف
وكل عصفورا الموالف
الفروع الرامية ضلت لينا مدت كل وارف
والزمن..دا الماهو واقف ..
وانت شايف ..
راح عمرنا ..
والله عارف
ونحن ما عارفين خبارك
**
ياولد بلد المحنة ربيت في جنة
وكنا منتظرين تفاجي بسمارك
نحن عشمانين ولسة
والعذول وصاني أنسا
وإنت ودر بيك زمانك

سيب شراع الريح يسافر ..
مرة بجناحو المغامر
سيبو وحدو ..
ما اظنو يتوه ..في بعدو
وخلي موج البحر يمشي
وي مجدافو العنيف
مابقيف ولا إظنو حيتوه
في مدو ..
إلا قلبي عليك تشتت ..
في كل ميناء ولي نزيف ..
أتنسم الأمل البجيبك
قطرة ..
من قبل الخريف ..
..واللهفة من ضمن الألم
لمن تمر سحابة صيف .
في ذكري او لحظة عشم
جاينا ضيف
ضاعت امالي ..وبقيت مرات
أقيف ..
لا عارفا لي وين أتجه
لا وين أروح ..
ولا ضفة تحتضن الغريب
تجمعنا مرة
ولافي قيف
يابهرجة غشيتي ليه ..
أنا منو من ضلعاتو دي
أنا قطعة من التوب وفي ..
ليه يختفي ..
وانا روحي في
ولا الأماني المابتجي ..
قولي لي الغايب ..
الكم نشتهي ..
إنت ضليت لي مسارك
حلم الجميع رجعة ومقام بين الرموش ..
طي المسام
ومضة من انوار منارك
سيب بحارك والسلام ..
كمل الكلام وكتبنا ليك
لوتعود
ترتد لي روح من جديد
لوتعود ترجع
حترجع لينا
أفراح من زمانك